నిజాంపేటలో దారుణం.. రెండేళ్ల చిన్నారిని నోటకరిచి లాక్కెళ్లిన వీధికుక్క

నిజాంపేట్‌ బండారీ లేఅవుట్‌లో రెండేళ్ల చిన్నారిపై వీధికుక్క దాడి చేసింది. పార్క్‌ వద్ద ఆడుకుంటున్న సమయంలో సోమశ్రీ అనే రెండేళ్ల చిన్నారిపై వీధికుక్క ఒక్కసారిగా దాడి చేసి నోటితో పట్టుకుని లాక్కెళ్లింది.స్థానికులు గమనించి కుక్కను వెంబడించడంతో పాపను వదిలేసింది. ఈ ఘటనలో చిన్నారి మెడకు తీవ్ర గాయమైంది. బాలికను స్థానికంగా ఉన్న ఓ ప్రైవేటు ఆసుపత్రికి తరలించి చికిత్స అందిస్తున్నారు.