సామాజిక కార్యకర్త ప్రకాష్ బంకర్ ఫిర్యాదు మేరకు ముంబై పోలీసులు నవంబర్ 7న ఈ కేసు నమోదు చేశారు. ‘స్టైల్’ సినిమాతో ఫేమస్ అయిన సాహిల్ ఖాన్.. ఈ ఎఫ్‌ఐఆర్‌లో 26వ స్థానంలో ఉన్నాడు. మహదేవ్ ఆన్‌లైన్ బెట్టింగ్ యాప్‌కు సంబంధించిన మరో యాప్‌ను సాహిల్ ఖాన్ నడుపుతున్నాడు. ఎఫ్‌ఐఆర్‌లో సాహిల్ ఖాన్ ఈ యాప్‌ను ప్రమోట్ చేశాడని మాత్రమే కాకుండా.. యాప్ ఆపరేషన్‌లో పాల్గొన్నాడని, దాని నుండి లాభం పొందాడని కూడా ఆరోపించారు.
మహదేవ్ బెట్టింగ్ యాప్ కేసులో ముంబై పోలీసులు 32 మందిపై కేసు నమోదు చేశారు. ఇందులో డాబర్ గ్రూప్ డైరెక్టర్ గౌరవ్ బర్మన్, చైర్మన్ మోహిత్ బర్మన్ పేర్లు కూడా ఉన్నాయి. వీరిపై మోసం, జూదం తదితర సెక్షన్ల కింద కేసు నమోదు చేశారు.
హదేవ్ బెట్టింగ్ యాప్ ఉచ్చులోకి మొదట బాలీవుడ్ సెలబ్రిటీలు, ఆ తర్వాత రాజకీయ నాయకుల పేర్లు వచ్చాయి. కానీ ఈ ఉచ్చు మరింత బిగుస్తుంది. క్రికెట్ మ్యాచ్ ఫిక్సింగ్ అనే పేరు నుంచి ఇప్పుడు బిజినెస్ మెన్ లకు చుట్టుకుంది.
ఆయుర్వేద ఔషధాల తయారీలో రంగంలోని పెద్ద కంపెనీల్లో ఒకటైన డాబర్ గ్రూప్‌లోని ఉన్నతాధికారులు రాజకీయ నాయకులు దీని ట్రాప్లో పడిపోయారు. దీంతో వారిపై ముంబై పోలీసులు కేసు నమోదు చేశారు..సరదాగా మొదలైన ఈ బెట్టింగ్ యాప్ ఆ కంపెనీ తో టై అప్ అయ్యి ఆ బెట్టింగ్ యాప్ స్కాం లో నిందితులు గా తేలారు
ఈ కేసులో ముంబై పోలీసులు నమోదు చేసిన బడా బిజినెస్ మేన్ పేర్లు ఎఫ్‌ఐఆర్‌లో నమోదు అయ్యాయి ఈ కేసులో మోహిత్ బర్మన్ 16వ నిందితుడిగా, గౌరవ్ బర్మన్ 18వ నిందితుడిగా ఉన్నారు. ఈ ఎఫ్‌ఐఆర్‌లో మొత్తం 31 మంది పేర్లను నమోదు చేయగా.. ఓ గుర్తు తెలియని వ్యక్తిని కూడా నిందితుడిగా ఉన్నట్టు సమాచరం.
ప్రస్తుతం సాహిల్ ఖాన్ వీడియో కూడా ఒకటి వైరల్ అవుతోంది. అందులో యాప్ నిర్వాహకులతో దుబాయ్‌లో మహదేవ్ బెట్టింగ్ యాప్ పార్టీకి హాజరవుతున్నట్లు ఉంది. అంతేకాకుండా.. ఆ యాప్‌కు సంబంధించిన మరో ‘ఖిలాడీ’ యాప్‌ను కూడా ఆయనే నడుపుతున్నట్లు సాహిల్ ఖాన్‌పై ఆరోపణలు ఉన్నాయి. మరోవైపు.. ఈ యాప్ ద్వారా ప్రజలను రూ.15,000 కోట్ల మోసం చేశారని సామాజిక కార్యకర్త ప్రకాష్ బంకర్ తన ఫిర్యాదులో ఆరోపించారు. పోలీసులు భారతీయ శిక్షాస్మృతిలోని 420, 465, 467, 468, 471, 120 (బి) సెక్షన్ల కింద కేసు నమోదు చేశారు.
