యాటిట్యూడ్ కాదు… అహంకారం!జర్నలిస్టును బెదిరించిన చంద్రహాస్‌పై కేసు – తండ్రిగా ప్రభాకర్ వైఫల్యమేనా

నటుడు ప్రభాకర్ కుమారుడు చంద్రహాస్ మరో వివాదంలో చిక్కుకున్నారు. ‘బరాబర్ ప్రేమిస్తా’ సినిమా ప్రీ–రిలీజ్ ఈవెంట్‌లో చంద్రహాస్ పాడిన బూతు పదాలతో కూడిన పాట సోషల్ మీడియాలో తీవ్ర విమర్శలకు దారి తీసింది. మహిళలు ఉన్న బహిరంగ వేదికపై అసభ్య పదాలు వాడటంపై నెటిజన్లు భగ్గుమంటున్నారు.

ఈ అంశంపై సీనియర్ జర్నలిస్ట్ అశోక్‌కుమార్ ఒక వీడియో ద్వారా అభ్యంతరం వ్యక్తం చేస్తూ—ఇలాంటి భాష సంస్కారహీనతకు నిదర్శనమని వ్యాఖ్యానించారు. దీనికి ప్రతిగా చంద్రహాస్ ఇన్‌స్టాగ్రామ్‌లో జర్నలిస్టును ఉద్దేశించి బెదిరింపులకు పాల్పడిన వీడియో పోస్ట్ చేయడంతో వ్యవహారం మరింత ముదిరింది. దీంతో అశోక్‌కుమార్ మాదాపూర్ పోలీస్ స్టేషన్లో ఫిర్యాదు చేయగా, చంద్రహాస్‌పై కేసు నమోదైంది.

సైకాలజిస్ట్ విశ్లేషణ:

ఈ ఘటనపై సైకాలజిస్ట్ విశేష్ తీవ్ర వ్యాఖ్యలు చేశారు. “ఇది యాటిట్యూడ్ కాదు, అహంకారం. సైకాలజీలో దీనిని Attention Seeking Narcissism అంటారు. సానుకూలంగా గుర్తింపు రాకపోతే, అసభ్యత ద్వారానే వార్తల్లో ఉండాలన్న ప్రమాదకర ధోరణి ఇది” అని అన్నారు.
విమర్శలను స్వీకరించలేని వ్యక్తి ప్రజాదరణ పొందిన నటుడిగా ఎదగలేడని స్పష్టం చేశారు.

తండ్రిగా బాధ్యత ఎక్కడ?

సామాజిక వేదికలపై ప్రవర్తన ఎలా ఉండాలన్న కనీస అవగాహన పిల్లలకు నేర్పాల్సిన బాధ్యత తల్లిదండ్రులదేనని విశ్లేషకులు అంటున్నారు. జర్నలిస్ట్ చేసిన సూచనలకు బెదిరింపులతో స్పందించడం పరిస్థితిని మరింత తీవ్రం చేసిందన్న అభిప్రాయం వ్యక్తమవుతోంది. “క్షమాపణ చెప్పడం బలహీనత కాదు; అది పరిపక్వత” అని పలువురు పేర్కొంటున్నారు.

తదుపరి పరిణామాలు?

కేసు నమోదుతో చట్టపరమైన చర్యలు కొనసాగనున్నాయి. ఇదే సమయంలో ప్రజాజీవితంలో ఉన్నవారు—ప్రత్యేకించి యువ నటులు—బహిరంగ వేదికలపై మాటలు, ప్రవర్తనలో బాధ్యత వహించాల్సిన అవసరం ఉందని ఈ ఘటన మరోసారి గుర్తు చేస్తోంది.

అశోక్ కుమార్ వేముల.. నీకు 24 గంటలు టైం ఇస్తున్నా. నీ నుంచి నాకు 24 అవర్స్ లో క్షమాపణలు రాకపోతే, దీన్ని నేను ఎంత చేయాలో అంత చేస్తా అంటూ జర్నలిస్టుకు వార్నింగ్ ఎందుకు?
క్షమాపణ చెప్పకపోతే తీవ్ర పరిణామాలు – చంద్రహాస్, ప్రభాకర్‌పై  ఆగ్రహం వ్యక్తం చేసిన  జర్నలిస్ట్ లు జర్నలిస్ట్ సంఘాలు


“ఏం చూసుకుని ఒక జర్నలిస్టుకి వార్నింగ్ ఇచ్చావు?”
ఈ ఒక్క ప్రశ్న ఇప్పుడు సోషల్ మీడియాలో తీవ్ర చర్చకు దారి తీసింది. నటుడు ప్రభాకర్ కుమారుడు చంద్రహాస్ జర్నలిస్ట్ అశోక్‌కుమార్పై చేసిన బెదిరింపు వ్యాఖ్యలు సంచలనంగా మారాయి.

హైలెట్ పాయింట్స్ (Highlight):


సినిమా ప్రీ రిలీజ్ ఈవెంట్‌లో అసభ్య పదాలతో పాట పాడడాన్ని తప్పుపట్టిన జర్నలిస్టుపై చంద్రహాస్ “ఓరే” అంటూ సంబోధిస్తూ వీడియో ద్వారా వార్నింగ్ ఇవ్వడం తీవ్ర ఆగ్రహానికి కారణమైంది.

“జర్నలిస్ట్ చేసినది హెచ్చరిక కాదు, హితవు” అని పలువురు అభిప్రాయం. పబ్లిక్ ప్లాట్‌ఫామ్‌లో ఎలా ప్రవర్తించాలన్న బాధ్యతను గుర్తు చేయడమే ఆయన ఉద్దేశమని మీడియా వర్గాలు స్పష్టం చేస్తున్నాయి.

చంద్రహాస్ ఇలా మాట్లాడుతున్నప్పుడు తండ్రిగా ప్రభాకర్ ఎందుకు అడ్డుకోలేదన్న ప్రశ్నలు వెల్లువెత్తుతున్నాయి. “ఇది కేవలం కొడుకు తప్పిదం కాదు… తండ్రిగా పేరెంటింగ్ వైఫల్యం” అనే విమర్శలు వినిపిస్తున్నాయి.

“క్షమాపణ చెప్పకపోతే ఊరుకునేది లేదు” అంటూ జర్నలిస్టును హెచ్చరించే స్థాయికి వెళ్లడం వెనుక అహంకారమే తప్ప యాటిట్యూడ్ కాదని విశ్లేషకుల అభిప్రాయం.

“డబ్బు, ఫేమ్ ఉంటే ఏదైనా చేయగలమన్న భావన సమాజానికి ప్రమాదకరం” అంటూ సోషల్ మీడియా వేదికగా తీవ్ర విమర్శలు.

కొందరు ఇది సినిమా ప్రచారం కోసం చేసిన నెగటివ్ పబ్లిసిటీ ట్రిక్ కావచ్చన్న అనుమానాన్ని కూడా వ్యక్తం చేస్తున్నారు. జర్నలిస్టును టార్గెట్ చేస్తే పేరు వస్తుందన్న ఆలోచనతోనే ఈ వ్యవహారం నడుస్తోందా? అన్న ప్రశ్నలు వినిపిస్తున్నాయి.

సందేశం స్పష్టం
పబ్లిక్ లైఫ్‌లో ఉన్నవారు, ముఖ్యంగా యువ నటులు –
మహిళలు ఉన్న వేదికలపై మాటలు, ప్రవర్తన ఎలా ఉండాలో నేర్పించాల్సిన బాధ్యత తల్లిదండ్రులదే.

జర్నలిస్టును బెదిరించడం కాదు, తప్పు జరిగితే క్షమాపణ చెప్పడమే నిజమైన పరిపక్వత.

ఇప్పటికైనా చంద్రహాస్, ప్రభాకర్ ఇద్దరూ జర్నలిస్ట్ అశోక్‌కుమార్‌కు బహిరంగ క్షమాపణ చెప్పాలన్న డిమాండ్ బలంగా వినిపిస్తోంది. లేకపోతే… పరిణామాలు తీవ్రంగా ఉంటాయన్న హెచ్చరికలు స్పష్టంగా కనిపిస్తున్నాయి.

— ప్రశ్నించే స్వరం, ప్రజల పక్షం