మాల్లారెడ్డి అఫిడవిట్
తప్పుల తడక ఎలక్షన్ కమిషన్ కు ఫిర్యాదు

మాల్లారెడ్డి అఫిడవిట్
తప్పుల తడక

రాష్ట్ర కార్మిక శాఖ మంత్రి, మేడ్చల్ బీఆర్ఎస్ ఎమ్మెల్యే అభ్యర్థి చామకూర మాల్లారెడ్డి ఎన్నికల కమిషన్ కు సమర్పించిన అఫిడవిట్ తప్పుల తడకగా ఉంది. మంత్రి మాల్లారెడ్డి సమర్పించిన అఫిడవిట్ పై అభ్యంతరం వ్యక్తం చేస్తూ రాంపల్లి దాయారా గ్రామ నివాసి, స్థానిక ఓటర్ కందాడి అంజిరెడ్డి మేడ్చల్ నియోజకవర్గ రిటర్నింగ్ అధికారికి సోమవారం ఫిర్యాదు చేశారు.

మాల్లారెడ్డి సమర్పించిన అఫిడవిట్ లో ఉన్న తప్పులపై అంజిరెడ్డి అభ్యంతరం వ్యక్తం చేసిన ప్రధాన అంశాలు..

– 2014లో చమాకూర మాల్లారెడ్డి ఎంపీగా పోటీ చేసిన సమయంలో సమర్పించిన అఫిడవిట్ లో తన ఇంటర్ విద్యాభ్యాసం ప్రభుత్వ జూనియర్ కళాశాల, ప్యాట్ని లో 1973 పూర్తి చేసినట్లు తెలిపారు.

– 2018లోమేడ్చల్ ఎమ్మెల్యే గా పోటీ చేసిన సమయంలో
ఇంటర్ విద్యాభ్యాసం వెస్లీ కాలేజ్, సికింద్రాబాద్ లో 1973లో పూర్తి చేసినట్లు తెలిపారు.
– అలాగే ప్రస్తుతం అంటే 2023 జనరల్ ఎలక్షన్స్ లో మాత్రం రాఘవ లక్ష్మి దేవి ప్రభుత్వ జూనియర్ కళాశాలలో 1973లో ఇంటర్ విద్య పూర్తి చేసినట్లు పేర్కొన్నారు.
ఒకే సంవత్సరంలో మూడు కాలేజీల్లో చదివి ఇంటర్ విద్యాభ్యాసం ను మంత్రి మాల్లారెడ్డి ఎలా పూర్తి చేశారో అర్థం కావడం లేదని, మాల్లారెడ్డి చర్యలు, తాను సమర్పించిన అఫిడవిట్
ఓటర్లను తప్పుదోవ పట్టించేలా వుందని, అసాధ్యమైన మంత్రి మాల్లారెడ్డి అబద్ధపు అఫిడవిట్ ను తిరస్కరించాలని కందాడి అంజిరెడ్డి కోరారు.

అలాగే 2014లో ఎంపీ గా పోటీ చేసిన సమయంలో తన వయసు 56 సంవత్సరాలుగా పేర్కొన్న మంత్రి మాల్లారెడ్డి 2023లో మాత్రం తన వయసు 70 సంవత్సరాలుగా పేర్కొన్నారు. అంటే 9 యేండ్లలో మాల్లారెడ్డి వయసు 15 సంవత్సరాలు ఎలా పెరిగిందో అర్థం కావడం లేదని అంజి రెడ్డి ఎన్నికల అధికారికి ఇచ్చిన ఫిర్యాదులో తెలిపారు.

మాల్లారెడ్డి సమర్పించిన అఫిడవిట్ లోను ఆస్తుల వివరాలు తప్పుడుగానే ఇచ్చారని అంజిరెడ్డి తన ఫిర్యాదులో పేర్కొన్నారు.