హైదరాబాద్లో ఐపీఎల్ సీజన్ వేడి పెరుగుతున్న వేళ… టికెట్ల వ్యవహారం చుట్టూ పెద్ద వివాదం రేగుతోంది. మీడియా ప్రతినిధులకు కేటాయించాల్సిన టికెట్లను బ్లాక్ మార్కెట్లో అమ్ముతున్నారనే ఆరోపణలు ఇప్పుడు తీవ్ర చర్చనీయాంశంగా మారాయి. ఈ వ్యవహారంలో పోలీస్ విభాగానికి చెందిన ఓ PRO (పబ్లిక్ రిలేషన్స్ ఆఫీసర్) పాత్రపై అనుమానాలు వ్యక్తమవుతున్నాయి.
ప్రతి సంవత్సరం లాగే ఈసారి కూడా మీడియా కోటాలో వచ్చే టికెట్లు కొంతమంది చేతుల్లోనే ఆగిపోతున్నాయని జర్నలిస్టులు ఆరోపిస్తున్నారు. అధికారికంగా మీడియాకు అందాల్సిన ఈ టికెట్లు… అసలు మీడియా ప్రతినిధుల చేతికి చేరకముందే బ్లాక్ మార్కెట్కు మళ్లుతున్నాయనే విమర్శలు వినిపిస్తున్నాయి.
ముఖ్యంగా, మీడియా పేరుతో ఉన్నతాధికారుల నుంచి, అలాగే Sunrisers Hyderabad టీమ్ వర్గాల నుంచి టికెట్లు సేకరించి… వాటిని అధిక ధరలకు విక్రయిస్తున్నట్లు ఆరోపణలు మరింత సంచలనం రేపుతున్నాయి. ఈ వ్యవహారం కేవలం ఒక వ్యక్తి వరకు పరిమితం కాలేదని… పెద్ద స్థాయిలో నెట్వర్క్ పనిచేస్తుందనే అనుమానాలు కూడా వ్యక్తమవుతున్నాయి.
ఇంకా ఆశ్చర్యకరమైన విషయం ఏమిటంటే… ఈ టికెట్లు కొన్ని ప్రత్యేక గ్రూపులకు, “తండాలు”గా పిలిచే వర్గాలకు తరలించబడుతున్నాయనే ఆరోపణలు కూడా వినిపిస్తున్నాయి. ఇది ప్రతి ఏడాది పునరావృతమవుతోందని జర్నలిస్టుల వర్గాలు చెబుతున్నాయి.
ఈ నేపథ్యంలో మీడియా ప్రతినిధులు కీలక డిమాండ్ ముందుకు తెచ్చారు. ఇకపై మీడియా కోటాలో వచ్చే టికెట్లను PRO ద్వారా కాకుండా… నేరుగా ఒక సీనియర్ పోలీస్ అధికారికి అప్పగించాలని కోరుతున్నారు. ఇలా చేస్తేనే పారదర్శకత ఉంటుందని వారు భావిస్తున్నారు.
ఈ ఆరోపణలపై పోలీస్ విభాగంలో కూడా కదలికలు మొదలయ్యాయి. స్పెషల్ బ్రాంచ్ (SB) ఎంక్వైరీ, SOT (స్పెషల్ ఆపరేషన్స్ టీమ్) నిఘా కూడా ప్రారంభమైనట్లు సమాచారం. ఈ విచారణలో నిజాలు వెలుగులోకి వస్తాయా… లేక ఇది కూడా మరో వివాదంగా మిగిలిపోతుందా అన్నది ఇప్పుడు ఆసక్తికరంగా మారింది.
మొత్తానికి… క్రీడా ఉత్సాహం మధ్యలో టికెట్ల మాఫియా ఆరోపణలు రావడం… పోలీస్ వ్యవస్థపై కూడా ప్రశ్నలు లేవనెత్తుతోంది. నిజం బయటపడితే… ఇది పెద్ద సంచలనానికి దారితీసే అవకాశముంది.. సదరు పిఆర్ఓ మీద గతంలో చాలా సార్లు ఇలాంటి ఆరోపణలు వచ్చాయి కానీ ఇంతవరకు చర్యలు లేదు సీనియర్ మీడియా ప్రతినిధులతో పేరు పెట్టి ఇష్టం వచ్చినట్టు మాట్లాడతారని గౌరవించాలని సిపి గారికి ఫిర్యాదు చేయడం జరిగింది సదరు పిఆర్ఓ మీద ఎంక్వయిరీ చేస్తే ఎంక్వయిరీ చేస్తే చాలా విషయాలు బయటకు వచ్చే అవకాశం ఉంది మీడియా పేరుతో వచ్చిన పాసులను అడ్డంగా అమ్ముకుంటున్న వ్యవహారం ఎప్పటినుంచి జరుగుతుందని మీడియా ప్రతినిధులు ఆరోపణలు చేస్తున్నారు అదేమని అడిగితే అట్రాసిటీ కేసు పెడతారని మీడియా ప్రతినిధులను బెదిరించినట్టు సమాచారం
